Nytt prosjekt om haldbarhet på fiskeprodukt

På Løyte gard i Drangedal vert det i desse dagar sett igang FoU-prosjekt om innlandsfisk og haldbarhet . Formålet med prosjektet er å fastsetje og dokumentere haldbarhet for sik- og aureprodukt som vert foredla på garden.

Det er Nofima Mat som gjennomfører prosjektet for Løyte. Kontaktperson i Nofima Mat er Kjersti Trømborg. Kontakperson på Løyte gard er Jørgen Løyte.

Løyte gard er knytt til Matinkubatoren i Seljord, og gjennom dette samarbeidet og kompetansemeklarordninga ved Telemarksforsking, så har altså Løyte fått tilgang til kompetanse og midlar frå Forskningsrådet til å gjennomføre prosjektet. (Sjå nedanfor i bloggen om FoU-prosjekt og matinkubatorar. )

Fausko har kome seg godt inn i den sosiale veven sine rekker

I samband med Fauskivalen 3. og 4. september lanserar nå Fausko Skysstasjon i Hemsedal sin nyoppussa web med ny webløysing og nye heimesider, med integrering av web og facebook. All informasjon skal kunne delast med alle. Sjå heimesidene og på fjesboka til Fausko Skysstasjon.

Knut Fausko og Fausko skysstasjon er ei av fire bedrifter innafor opplevelsesnæringane i Telemark og Buskerud, som er med i Telemarksforsking sitt prosjekt om "Bruk av sosiale medier i opplevingsnæringane". Sjå omtale av dette prosjektet nedanfor i bloggen.

Nytt VRI-prosjekt for Vinje slakteri om røyking av kjøt

I Vinje slakteri vert det nå gjennomført eit FoU-prosjekt om røyking av kjøt. Formålet med prosjektet er å finne fram til gode røykeprosessar for kald- og varmrøyking. Prosjektet skal resultere i nye pølseprodukt og spekepølser. Det er Nofima Mat som gjennomfører prosjektet for Vinje slakteri. Prosjektleder frå Nofima Mat er Tom Chr. Johannessen.

Det nye slakteriet, som ligg på Våmartveit i Vinje, er eit småskala slakteri for vilt og småfe. Dei slaktar og foredlar både hjort frå eigen gard (Kingland), og tek imot vilt (særleg hjort og elg) og sau frå andre til slakting og foredling. Kontaktperson i Vinje slakteri er Knut Erik Jordstøyl.